Life Fitness IC8 Power Trainer

Með fulla áherslu á því að hjálpa notendum að auka afköst á hjólinu hefur Life Fitness búið til einhvern besta trainer á markaðnum. Nákvæmur wattamælir sendir upplýsingar í innbyggðu WattRate TFT tölvuna sem að sýnir þér allar upplýsingar sem þú þarft til þess að verða betri á hjólinu. IC8 sameinar fallega hönnun, sterkan og endingargóðan grunn og nýmóðins hugbúnað svo úr verður einstök upplifun.

WattRate TFT tölvan og hugbúnaðurinn sem í henni er er án efa stór hluti af því sem að aðgreinir IC8 frá samkeppninni. Innbyggður í tölvuna er Coach by color hugbúnaðurinn sem að leyfir þér að hanna æfingar út frá wattasvæðum eða púlssvæðum en þú getur einnig valið þér æfingar úr ICG appinu sem að eru settar upp fyrirfram.

Ásamt Coach by color þá eru ýmsir eiginleikar sem nýtasta hjólaranum í tölvunni en hægt er að velja á milli 5 skjámynda sem að sýna í heildina 40 mismunandi mælingar. Polar view er nýjung í IC8 týpunni frá Life Fitness en það forrit (sem er ein af þessum 5 skjámyndum) sýnir þér jafnvægið í snúningnum ásamt jafnvægi milli vinstri og hægri. Með Polar view getur þú gert litlar breytingar á tækni og hámarkað skilvirkni.

Tölvan býður þér upp á tengingar við snjalltæki með Bluetooth eða ANT+. ICG appið var sérstaklega hannað fyrir IC hjólin en þar inná getur þú fundið æfingar sem nýta Coach by color hugbúnaðinn. Æfingarnar eru hannaðar af þjálfurum ICG og hægt er að velja á milli æfinga sem hafa mismunandi markmið. Tengingin við snjalltæki leyfir þér einnig að tengjast öðrum öppum eins og t.d. Zwift.

Drifbúnaðurinn í IC8 var hannaður til þess að líkja eftir reiðhjóli, skila krafti jafnt niður og mæla wött nákvæmlega. IC8 er fríhjólandi ólíkt venjulegum spinning hjólum og búið oversized keðju sem er sjálfstrekkjandi og gefur þér tilfinningu sem að líkir meira eftir reiðhjóli. Segulmótstaðan í hjólinu nær svo upp í 3800W en hún er stillt með snúningshjóli við stýrispóst.

WattRate wattamælirinn mælir svo wöttin með +/-1% nákvæmni en hann nýtir fótósellutækni sem að þarfnast ekki reglulegs viðhalds. Auk keðjunnar er það tennt Poly-V belti sem sér um að skila niður krafti janft og örugglega. Gírhlutfallið í drifbúnaðium er 1:13,75 og sveifar eru 172,5mm. Q-factorinn á hjólinu (breidd við pedala) er aðeins 155mm sem er með því minnsta sem sést í geiranum.

Grunnur hjólsins er stöðugur (54kg að þyngd) og sterkur en hámarksþyngd notanda er 150kg. Allir mikilvægir drifpartar er undir hlíf sem verndar þá frá svita o.s.frv. Hægt er að stilla bæti sæti og stýri upp/niður með gas-hjálparátaki en stillingarnar eru haklausar svo að þú getur fundið nákvæmlega rétt stillingu fyrir þig. Einnig er hægt að stilla stýri og hnakk fram/aftur á haklausum sleða. Stýrið er hrútastýri sem hannað er með það í huga að bjóða upp á öll helstu grip sem notuð eru í götuhjólreiðum. Pedalar eru svo með SPD festingum öðrum megin en hinum megin eru venjulegir pedalar með tábúrs festingu.

Life Fitness æfingatæki eru af slíkum gæðum að þú getur aðeins vænst þess besta.

Helstu mál o.fl.

• Stærð: 144x52x103 cm
• Þyngd: 54kg
• Hámarksþyngd notanda: 150kg
• Stillanlegir stöðugleikafætur: 4
• Hjól á grind: Tvö að framan sem gera þér auðvelt að færa hjólið til
• Mótstaða: Segulmótstaða 0-3800W still á 300° hjóli við stýrispóst
• Kasthjól: að aftan, úr áli og jafnt í þunga
• Drifbúnaður: Tennt Poly-V belti, fríhjól
• Gírhlutfall drifbúnaðar: 1:13,75
• Litur á grunni: Matte Slate
• Grunnur: Úr stáli
• Hlífar: Hlífar yfir öllum lykilpörtum
• Staða grunns: Off-set
• Q-factor: 155mm
• Sveif: CrMo 172,5mm
• Pedalar: SPD festingar og tábúrsfestingar
• Stýri: Pro performance hrútastýri 
• Hnakkur: Unisex fóðraður performance hnakkur
• Vatnsflöskuhaldari: Já einn í stýri
• Stöðugleikabitar: Í yfirstærð með földum skrúfum og sérstökum teygjuplöttum á endum
• Stillingar: Flipar
• Stýris og sætispóstar: Svartir “Anodized aluminum”
• Gas-hjálparátak: Á upp/niður stillingum á stýri og sæti
• Stillingar á stýri: Fram/aftur & upp/niður, haklausar
• Stillingar á sæti: Fram/aftur & upp/niður, haklausar
• Tölva: WattRate TFT með Polar View
• Kraftmæling: WattRate Direct Power Meter (+/-1%)
• Rafmagn: Innbyggður rafall sér LiPo rafhlöðunni fyrir orku
• Lykilhugbúnaður: Coach by Color
• Tengimöguleikar við snjalltæki: Bluetooth og ANT+
• App frá framleiðanda: ICG Training app