Virkni Bætiefnablanda

Frá 4.995 kr.

  • Úthugsuð blanda virkra innihaldsefna
  • Getur aukið sprengikraft
  • Getur stuðlað að aukinni afkastagetu
  • Getur aukið úthald
  • Kreatín, beta alanín, D-vítamín, steinefni & sölt
  • Best að neyta daglega (óháð tíma)
  • Hver framleiðslulota er prófuð fyrir ólöglegum efnum
  • 330g í dollunni (30 skammtar)
Sítrónu & Lime
Sítrónu & Lime
Passion- & Mangó
Passion- & Mangó

FÁÐU SENT EÐA SÆKTU | LÍTILL PAKKI

Frí sending ef þú pantar vörur í þessum flokk fyrir meira en 10.000 kr.

Hvað er virkni?

Virkni er glæný vara í Hreysti fæðubótarlínunni sem er úthugsuð blanda af innihaldsefnum sem hafa sýnt fram á frammistöðuaukandi áhrif. Innihaldsefnin eru meðal annars Kreatín og beta alanín í fullum skömmtum, D-vítamín og steinefni & sölt. Varan er hugsuð fyrir aðila sem æfa mikið, af mikilli ákefð og vilja ná meiri árangri í keppni/æfingu.

Hvernig er best að nota virkni?

Bæði kreatín og beta-alanín eru efni sem virka best þegar þeirra er neytt daglega. Því er ráðlagt að nota einn til tvo skammta af virkni á dag til að tryggja hleðslu beggja efnanna. Rannsóknir hafa sýnt að það tekur líkamann í kringum 4 vikur til þess að hækka magn efnanna svo máli skiptir.

ATH: notkun Beta-alaníns getur valdið kláða í húð, og þá sérstaklega í andliti (e. paraesthesia). Þessi kláði er þó alls ekki hættulegur, en getur valdið fólki óþægindum. Þeir sem vilja minnka kláðann er ráðlagt að nota hálfa skeið af virkni tvisvar til fjórum sinnum á dag.

Hvað gera efnin í virkni?

Kreatín er efni sem líkaminn myndar úr þremur amínósýrum: arginíni, glýsíni og meþíoníni. Kreatíninu er svo umbreytt yfir í form kreatínfosfats (e. phospocreatine eða PCr) sem sér líkamanum fyrir hraðri orku í mikilli ákefð. Í hreyfingum við hámarks átök, eins og í spretthlaupi, stökki og lyftingum sér PCr vöðvunum fyrir mestum hluta orkunnar. Kreatín getur einnig aukið fitufrían vöðvamassa og hraðað endurheimt á milli endurtekinna átaka.

Þar að auki hafa rannsóknir leitt í ljós að virkni kreatíns nái líklega lengra en aðeins til að auka afköst í íþróttum. Heilinn og miðtaugakerfið nota kreatín m.a. til að skaffa sér orku, og þá sérstaklega í aðstæðum sem reyna verulega á vitræna virkni og gagnrýna hugsun. Þá hafa rannsóknir einnig sýnt fram á andoxunarvirkni og bólgueyðandi áhrif kreatíns.

Þrátt fyrir að líkaminn búi til kreatín og kreatín sé að finna í fæðunni (aðallega í kjöti) þá er það magn takmarkað. Til þess að innbyrða 5 grömm af kreatíni þyrftum við að borða rúmlega 1 kg af nautakjöti eða rúmlega 2 kg af kjúklingi! Með því að taka inn kreatín aukalega í formi fæðubótarefnis er hægt að auka magn kreatíns í vöðvum enn frekar. Ráðlagður dagskammtur af kreatíni er á bilinu 3 – 5 grömm.

Beta-alanín er amínósýra, sem ásamt L-histidine, myndar efnið carnosine, sem spilar lykilhlutverk í að vernda gegn sýrumyndun í vöðvum við mikla ákefð. Beta-alanín getur aukið afkastagetu og úthald, þá sérstaklega á æfingum eða í keppni þar sem ákefð er mikil og lengd er frá 30 sekúndum upp að 10 mínútum. Ráðlagður dagskammtur af beta-alaníni er 3.2 – 6.4 grömm.

Líkt og með kreatínið, þá fæst beta-alanín einnig úr fæðu, þá aðallega kjöti. Sömu sögu má þó segja varðandi magnið, en dagleg meðalneysla er í kringum 0.4 – 0.8 grömm; töluvert frá því magni sem þarf til að bæta frammistöðu!

Auk kreatíns og beta-alaníns inniheldur virkni einnig D-vítamín, sem spilar mörg lykilhlutverk í líkamanum sem geta haft áhrif á frammistöðu og afkastagetu. Þar má nefna beinheilsu, vöðvavirkni og -viðhald, sem og virkni ónæmiskerfisins.

Virkni inniheldur einnig ýmis sölt og steinefni sem sinna ýmsum miklvægum hlutverkum.

Natríum: hjálpar við að halda blóðmagni og osmótískum þrýstingi í jafnvægi, hjálpar til við miðlun taugaboða og vöðvasamdrætti.

Kalíum: hjálpar líkamsfrumunum að viðhalda vökvajafnvægi, styður við eðlilegan blóðþrýsting og hjálpar til við vöðvasamdrætti.

Magnesíum: spilar mikilvægt hlutverk í orkuefnaskiptum

Kalsíum: spilar lykilhlutverk í vöðvasamdráttum og beinheilsu.

Textahöfundur:


Hefur þú áhuga á að fá næringarleiðsögn frá sérfræðingi? Þá getur þú sent línu á [email protected]