Pro jógadýnan frá Manduka er sú sem að koma Manduka á kortið. Pro dýnan er einstaklega þétt dýna en þéttleikinn heldur henni stöðugri ásamt því að fara vel um liðamót. Dýnan er búin yfirborði sem að er gripgott og hentar vel í ýmsar gerðir jóga en fyrir hot yoga þá mælum við þó að nota jógahandklæði ofan á dýnuna.
Pro jógadýnan er búin lokuðum svampi sem að hrindir frá sér vökva. Lokaði svampurinn kemur í veg fyrir að dýnan verði gegnblaut af svita og minnkar þannig líkur á að bakteríur fái að njóta sín, þetta verður til þess að dýnan endist lengur en ella.
Yfirborðið á dýnunni er ekki eini hlutinn af dýnunni sem er úthugsaður en botninn er búinn sérstöku mynstri sem að grípur vel í gólfefni og eykur því stöðugleika. Efnisvalið í dýnunni er afbragðsgott en Manduka notast aðeins við hágæða PVC sem að hvorki molnar né flettist af með tímanum.
Manduka leggja mikla áherslu á ábyrga framleiðslu en framleiðsluferlið á Pro dýnunni er emissions-free og þar sem að dýnan endist þér líftímann þá minnkar umfram PVC á sorphaugum. Dýnan er án eiturefna, litarefna eða phthalates sem að geta haft áhrif á hormóna. Dýnan er vottuð af OEKO-TEX sem örugg til notkunar.
| Þyngd | 3.4 kg |
|---|---|
| Ummál | 66 × 15 × 15 cm |
Stærð o.fl.
- Þykkt: 6mm
- Breidd: 66cm
- Lengd: 180cm (216cm í lengri útgáfunni)
- Þyngd: 3,4kg (4,3kg í lengri útgáfunni)
- Efni: Hágæða PVC
Við framlengjum lífstíðarábyrgð Manduka á pro dýnunum til þín. Lífstíðarábyrgðin á við ef að dýnan kemur gölluð, ef hún slitnar vegna notkunar í jóga (ath. Fellur ekki undir aðra notkun) eða ef að yfirborðið missir eiginleika vegna venjulegrar notkunar. Haltu í kvittunina og notaðu dýnuna þína út í eitt – án þess að hafa áhyggjur.
Notkunarleiðbeiningar
Til að byrja með: Yfirborðið á Pro dýnunum verður betra og betra eftir því sem dýnurnar eru notaðar oftar. Besta leiðin til þess að opna fyrir yfirborðið er að nota dýnuna reglulega en einnig er hægt að flýta fyrir ferlinu með því að strá grófu salti yfir dýnuna, bleyta aðeins í með vatni, skrúbba svo með skrúbbbursta og láta hana svo þorna í sólarljósi.
Til þess að þrífa: Við mælum með því að nota hreinsiefnin frá Manduka (eða t.d. Væga ediksblöndu) á raka tusku eða svamp og láta dýnuna svo hanga (helst í sólarljósi) þar til hún verður þurr. Við mælum ekki með því að láta dýnuna bleyti þar sem að það getur orðið til þess að efnið í henni fari að brotna niður, eingöngu skal strjúka af henni með rökum klút eða álíka.
Til að geyma: Best er að rúlla henni upp með yfirborðið út á við, með því að rúlla henni svoleiðis upp þá haldast hornin flöt á æfingu.
Um Manduka
Manduka var stofnað árið 1997 af Peter Sterios sem að leitaði til jóga eftir að hafa áður unnið sem arkítekt. Peter uppgvötaði einfalda, fallega hannaða jógadýnu sem var bæði gripgóð og endingargóð en það er hin fræga Pro mat. Peter hafði lært mikið af ýmsum jógakennurum og dáðist af gjafmildi þeirra – Peter ákvað því að senda þessum jógakennurum sem hann hafði lært hjá fyrstu jógadýnurnar en upp úr því fór boltinn að rúlla. Jógakennararnir leyfðu iðkendum sínum að nota dýnurnar og munn frá munni barst orðið um jógaheiminn og úr varð jógafyrirtæki.
Í gegnum árin hafa vörur bæst við línuna hjá Manduka og nú býður fyrirtækið upp á breiða línu sem á að innihalda allar helstu vörur sem jógaiðkendur geta notað til þess að bæta sína þjálfun. Mikil áhersla er lögð á ábyrgan rekstur en Manduka reyna að hafa vörur sýnar eins umhverfisvænar og hægt er með því að velja réttu efnin og framleiða vörurnar með réttum hætti.
Manduka var stofnað af jógaiðkendum og er stjórnað af jógaiðkendum enn til dagsins í dag. Vörur Manduka eru því hannaðar af fólki sem raunverulega notar þær og það er lykilástæðan fyrir því að við hjá Hreysti bjóðum upp á vörulínu þeirra.
Einungis innskráðir viðskiptavinir sem hafa keypt vöruna geta skrifað umsögn
Tengdar vörur
Jógadýnur
Jógadýnur
Jógadýnur
Jógadýnur
Jógadýnur
Jógadýnur
Jógadýnur
Jógadýnur
Umsagnir
Það eru engar umsagnir enn.