FitCo RT10 Hlaupabretti

99.995 kr.

  • Afar nett samanbrjótanlegt hlaupabretti sem hannað er fyrir heimahús
  • Nær að hámarki 12km/h í æfingarham
  • Nær að hámarki 6km/h í samanbrotinni stöðu
  • 124x48cm hlaupasvæði
  • Hraðastýring með fjarstýringu
  • Fastur halli
  • Hámarksþyngd notanda 100kg
  • Þetta bretti þarf að smyrja reglulega með sílíkoni, sjá leiðbeiningar í flipa hér fyrir neðan

 

Ekki til á lager

Láta mig vita þegar vara kemur aftur

FÁÐU SENT EÐA SÆKTU | STÓR PAKKI

FitCo RT10 hlaupabrettið er það nettasta í fitCo línunni og hentar þeim sem vantar einfalt bretti sem auðvelt er að brjóta saman svo að það taki afar lítið pláss. Brettið er hægt að nota sem æfingatæki en í „æfingarham“ þ.e. þegar handriðið er uppi þá er hámarkshraði 12km/h en þegar brettið er samanbrotið þá er hægt að nota það sem göngubretti (t.d. undir skrifborð) með hámarkshraða upp á 6km/h. Brettinu er stýrt með fjarstýringu sem að fylgir með en hún fer vel í hendi og truflar því ekki æfinguna.

Brettið er hannað úr léttu áli sem að verður til þess að það er afar létt af hlaupabretti að vera og því auðvelt að trylla því um. Í samanbrotinni stöðu er auðvelt að koma því fyrir t.d. undir rúmi eða upp við vegg.

Helstu mál o.fl.

  • Mótor: 1,25 hestöfl
  • Hlaupasvæði: 124x48cm
  • Hraði: 0,8-12km/h í æfingarham, 0,8-6km/h í samanbrotinni stöðu
  • Halli: Fastur halli
  • Æfingakerfi: 2, manual hraðastýring og sjálfvirk hraðastýring
  • Flýtihnappar: Fjarstýring
  • Púlsmælar: Nei
  • Fjöðrunarkerfi: Einfalt fjöðrunarkerfi
  • Hámarksþyngd notanda: 100kg
  • Stærð í notkun: 148×79,2x106cm
  • Stærð samanbrotið: 153×79,2×13,9cm
  • Þyngd brettis: 33kg
  • Þyngd kassa: 39kg
  • Ábyrgð: 2 ár gegn göllum

Hvernig á að smyrja bretti

Hlaupabretti þurfa reglulegt viðhald til þess að þau renni ljúft og endist vel. Það sem helst þarf að passa er smurningin en ef að bretti ná að þorna þá myndast núningur sem verður til þess að mótorinn erfiðar og á endanum geta ýmsir íhlutir gefið undan. Langflest hlaupabretti sem hönnuð eru fyrir heimahús eru smurð með sílíkoni og það er mjög mikilvægt að smyrja ekki með neinu öðru smurefni ef svo er.

Sílíkon bretti þarf að smyrja á um 150-200km fresti eða 3 mánaða fresti, hvort sem kemur fyrst.

Annað sem þarf svo að passa er þrifnaður en það þarf að ryksuga í kringum brettin reglulega svo að sem minnst ryk safnist fyrir undir mótorhlífinni. Æskilegt er að ryksuga svo undir mótorhlífinni annað slagið en tíðnin fer algerlega eftir aðstæðum (yfirleitt dugar að ryksuga undir hlífinni 1 sinni á ári ef brettið er í heimahúsi).

Hér er myndband sem að sýnir hvernig smyrja á sílíkon hlaupabretti, flest hlaupabretti eru smurð með þessum hætti en athugaðu fyrst í bæklingnum hvort að það sé ekki örugglega sílíkon sem að smyrja á með – ef þú ert í einhverjum vafa getur þú hringt í okkur og fengið upplýsingar:

 

Hér er myndband sem sýnir hvernig á að ryksuga undir mótorhlífinni: