Fáðu tilboð, nýjar vörur og fréttir beint í pósthólfið.
RT70 hlaupabrettið frá FitCo er afar öflugt bretti sem hannað er fyrir heimahús. Brettið er næsta skref fyrir ofan RT50 og hentar vel fyrir þá sem vilja enn stærra hlaupasvæði, öflugri mótor og stöðugra bretti fyrir reglulegar og krefjandi æfingar. Frábært fyrir heimili þar sem margir eru að hlaupa, fyrir maraþonhlaupara eða þyngri notendur.
Öflugur 4,5 hestafla AC mótor fleytir brettinu upp í 22 km/h og rafstýrður hallamótor býður upp á allt að 15% halla. Hraða er hægt að stilla í nákvæmum 0,1 km/h þrepum og fjórir flýtihnappar eru fyrir bæði hraða og halla, svo auðvelt er að breyta álaginu á meðan æfingu stendur.
Hlaupasvæðið er afar rúmgott eða 150 x 56cm. Það er nánast jafn stórt og á Light Commercial brettinu frá FitCo og hentar því vel fyrir leggjalanga notendur og þá sem vilja gott pláss í hraðari hlaupum. LightSpring fjöðrunarkerfið dreifir álaginu yfir marga fjaðrandi punkta og hjálpar þannig til við að minnka álag á liðamót.
Þrátt fyrir stærðina er RT70 samanbrjótanlegt. Hægt er að leggja hlaupasvæðið upp þegar brettið er ekki í notkun og losa þannig um gólfpláss. Þetta gerir RT70 að góðum valkosti fyrir þá sem vilja stærð og stöðugleika sem nálgast Light Commercial brettið en langar samt sem áður að geta brotið það saman og hámarka þannig plássnýtingu í æfingaaðstöðunni.
Mælaborðið er búið 10,1″ TFT skjá sem sýnir allar helstu upplýsingar um æfinguna, þar á meðal tíma, vegalengd, kaloríubrennslu, hraða, halla, púls, pace, skrefafjölda, skrefalengd og skrefahraða. Brettið býður upp á 12 æfingakerfi og á mælaborðinu er einnig þráðlaus hleðsla fyrir samhæfa farsíma.
RT70 vegur 135kg og er hannað fyrir allt að 150kg notanda. Þyngdin og sterkbyggð grindin veita góðan stöðugleika, en brettið er samt fyrst og fremst ætlað til notkunar á heimilum. Fyrir minni æfingastöðvar, hótel og önnur rými þar sem margir nota sama tækið mælum við frekar með FitCo Light Commercial hlaupabrettinu.
Tækniupplýsingar:
