Cardiostrong BX30 þrekhjól

BX30 þrekhjólið frá Cardiostrong er eitt af þeirra vinsælustu þrekhjólum enda er það á góðum verðpunkti miðað við hversu öflugt það er. Hjólið byggir á segulmótstöðu (líkt og önnur hjól frá Cardiostrong) sem að þýðir að það er afar hljóðlátt og viðhaldsfrítt. Þungt kasthjól gerir það að verkum að snúningurinn í hjólinu er mjúkur og jafn, sama hversu mikla mótstöðu þú ferð í. Grindin í hjólinu er sterk en hámarksþyngd notanda er 130kg.

Mælaborðið á hjólinu er einfalt og stílhreint en búið öllum lykil æfingamöguleikum. Mælaborðið sýnir hraða, tíma, vegalengd o.s.frv. Og er einnig stjórnborðið fyrir æfingakerfi og mótstöðustillingarnar. Þú getur flakkað á milli 32 mótstöðustillinga og valið á milli 19 mismunandi æfingakerfa, þar af er eitt stillanlegt kerfi og 4 púlsstýrð kerfi.

Þú átt að geta fundið réttu stillingu fyrir þig á hjólinu en sæti er hægt að færa bæði fram/aftur sem og upp/niður. Stýrið er hægt að tylla að þér eða frá með því að losa um festinguna á því. Á grunni hjólsins eru svo hjól sem að gera þér auðvelt fyrir að færa það í næsta herbergi.

BX30 þrekhjólið er frábært fyrir þá sem vilja einfalt en öflugt þrekhjól sem hægt er að taka kröftuga æfingu á.

Helstu mál o.fl.

• Mótstaða: Segulbremsa
• Segulbremsa: 10-350 wött
• Kasthjól: 9kg
• Gírhlutfall: 1:8,25
• Lengd sveifu: 17cm
• Skjár sýnir: Tíma, vegalengd, hraða, wött, snúningshraða, kaloríur, púls (ef þú tengir við púlsmæli)
• Æfingakerfi: 19 í heild, þar af 1 stillanlegt og 4 púlsstýrð
• Mótstöðustig: 32
• Sætisstillingar: Fram/aftur & upp/niður
• Púlsmælar: Í handföngum
• Þarf að tengja við rafmagn: Já
• Hámarksþyngd notanda: 130kg
• Stærð (LxBxH): 90cm x 57cm x 140cm