Beoka A1 Compression Boots

Hvenær og hvernig á að nota Compression skálmarnar?

Almennt er best að nota Compression skálmarnar í liggjandi eða sitjandi stöðu. Gættu þess að fæturnir séu ekki neðar en mjaðmirnar, svo skálmarnar þurfi ekki að vinna gegn þyngdaraflinu. Ef þér finnst þægilegt geturðu einnig haft fæturna uppi.

Eftir æfingu

Notaðu Compression skálmarnar eftir æfingu til að örva endurheimt í fótum og minnka líkur á harðsperrum. Ef þú notar skálmarnar í um 30–60 mínútur á miðlungs til háum þrýstingi geturðu bætt blóðrás, flýtt fyrir niðurbroti mjólkursýru og hjálpað líkamanum að jafna sig hraðar. Þetta eykur gæði endurheimtarinnar.

Fyrir æfingu

Með því að nota skálmarnar fyrir æfingu geturðu aukið blóðrás í fótum og bætt hreyfanleika. Þetta hentar sérstaklega vel ef þú hefur setið lengi yfir daginn, því þá geturðu undirbúið fæturna sem best fyrir átök. Notaðu Compression skálmarnar í 15–30 mínútur á lágum til miðlungs þrýstingi áður en þú byrjar á æfingunni.

Fyrir almenna endurheimt

Jafnvel þótt þú sért ekki að æfa geturðu notað Compression skálmarnar til að flýta endurheimt. Þær geta meðal annars hjálpað til við að draga úr vökvasöfnun, lina verki eða minnka vöðvaspennu. Einnig er hægt að nota skálmarnar sem stuðning fyrir sogæðadreifingu. Notaðu skálmarnar í 30–60 mínútur á miðlungs til háum þrýstingi.