Batterí íþróttadrykkur

Frá 3.295 kr.

  • Háþróaður Ísótónískur íþróttadrykkur
  • Inniheldur orkugefandi kolvetni
  • Inniheldur viðbættar amínósýrur
  • Inniheldur nauðsynleg steinefni & sölt
  • Getur aukið frammistöðu á æfingum/í keppni
  • Viðheldur vökvabúskap
  • Hver framleiðslulota er prófuð fyrir ólöglegum efnum
Appelsínu & mangó
Appelsínu & mangó
Hindberja límonaði
Hindberja límonaði

FÁÐU SENT EÐA SÆKTU | LÍTILL PAKKI

Frí sending ef þú pantar vörur í þessum flokk fyrir meira en 10.000 kr.

Batterí íþróttadrykkur

Batterí er háþróaður íþróttadykkur sem inniheldur auðmeltanleg kolvetni, sem veita skjóta orku, og sölt & steinefni (natríum, magnesíum, kalíum) sem hjálpa til að hraða efnaskiptum orkuefnanna og stuðla að viðhaldi vökvajafnvægis.

Batterí eykur getu líkamans til að taka upp vökva, viðhalda frammistöðu og verndar gegn krömpum, á meðan æfingunni stendur. Hver skammtur inniheldur hæfilegt magn af kolvetnum (36g sem 7% lausn) og natríum (20 mmol/L) til að veita orku og hjálpa til að viðhalda vökvabúskapi líkamans. Þar að auki inniheldur blandan greinóttar amínósýrur (BCAA), en þær stuðla að uppbyggingu vöðva í gegnum ferli sem kallast muscle protein synthesis. Þá  getur neysla á BCAA stuðlað að betri endurheimt eftir æfingu/keppni.

Magn og blanda kolvetna í hverjum skammti af Batterí er valið út frá vísindalegum sjónarmiðum. Rannsóknir hafa sýnt fram á að styrkur kolvetna í íþróttadrykkjum á bilinu 6 – 9% skili bestu niðurstöðum fyrir árangur. Blandan er ísótónísk, en það þýðir að styrkur kolvetna og salta í Batterí er svipaður og í mannslíkamanum. Kolvetnastyrkur Batterís stuðlar að hraðari magatæmingu og frásogi í þörmunum og hjálpar því líkamanum að halda vökvajafnvægi, sem og að auka framboð kolvetna til notkunar fyrir heila og vöðva á meðan æfingu/keppni stendur.

Auk kolvetna og amínósýra er einnig að finna sölt og steinefni, og þá sérstaklega natríum (Na), kalíum (K) og magnesíum (Mg).

  • Natríum er mikilvægt til að hjálpa upptöku kolvetna og vatns í gegnum þekjuvef smáþarmanna og yfir í blóðrás. Því hærri sem styrkur natríums er innan í meltingarveginum, því hraðari verður upptaka vatns og kolvetna.
  • Natríum hjálpar einnig við að halda í vökva, frekar en að losa hann út um þvagrásina. Rannsóknir hafa sýnt að skortur á salti í drykkjum valda meiri vökvatapi í gegnum þvagmyndun. Þar af leiðandi hjálpar natríum í drykknum við að halda betur í vökvann, sem er æskilegt við mikil líkamleg átök.
  • Natríum í drykkjum kemur í veg fyrir of lágan styrk natríums í blóði (hýpónatremíu), en það getur verið hættulegt fyrir hjarta- & æðakerfið á meðan keppni stendur.
  • Magnesíum er næstalgengasta innanfrumujón líkamans og gegnir lykilhlutverki í orkuefnaskiptum.
  • Á löngum og erfiðu æfingum minnkar styrkur magnesíums þar sem það tapast með svita og þvagi, og getur valdið magnesíumskorti. Þar af leiðandi er magnesíum mjög mikilvægur þáttur í árangri og er háð stjórnun og viðhaldi magnesíum búskaps líkamans.

Ráðleggingar um notkun

Blandið 2 skeiðum af Batterí í 500mL af vatni. Það er hægt að nota Batterí fyrir, eftir og á meðan æfingu stendur. Við mælum með að drekka skammt á 45 – 60 mínútna fresti á meðan keppni eða æfingu stendur. Þá er líka hægt aðlaga magn neyslu eftir lengd og ákefð æfingar/keppni.

Batterí er hannað til notkunar í þolíþróttagreinum, t.d. í hlaupum og hjólreiðum. Einnig er það tilvalið til neyslu í hálfleik í liðsíþróttum, svo sem fótbolta, handbolta, körfubolta, blaki o.fl.

Helstu ávinningar

Tæming kolvetnaforða líkamans og vökvaskortur/ofþornun eru tveir aðalþættir sem valda þreytu í þolíþróttum. Þá er algengt að íþróttafók neyti of mikilla eða of lítilla kolvetna í keppni/æfingu, og á röngum tímum. Óúthugsuð neysla kolvetna getur ollið því að upptaka sé minni en æskilegt er og/eða meltingarvandamálum.

Neysla kolvetna á æfingu/keppni hefur jákvæð áhrif á frammistöðu, og þá er yfirleitt mælt með að neyta 30 – 60g á klst. á meðan henni stendur. Jákvæðu áhrif kolvetna á frammistöðu eru m.a. að seinka þreytu, minnka skynjun á líkamlegri áreynslu, og að viðhalda blóðsykri. Þar af leiðandi gerir Batterí þér kleift að æfa og keppa lengur og af meiri ákefð!

Í flestum íþróttum skipta einbeiting og ákvarðanataka gríðarlegu máli varðandi úrslitin. Þegar líður á leikinn og þreytan fer að segja til sín getur hún haft neikvæð áhrif á þessa þætti. Þá hægist ýmist á ákvarðanatöku, viðbragðstíma og einbeiting rofnar auðveldlega. Til að mynda getur sendingarhæfni, skothæfni og hæfni til að rekja bolta minnkað, svo að dæmi séu nefnd. Rannsóknir hafa sýnt fram á að neysla kolvetna í keppni getur minnkað þessi neikvæðu áhrif.

Vissir þú að?

Batterí er prófað fyrir ólöglegum efnum (e. batch-tested) á heimsklassa rannsóknarstofu sem sér m.a. um slíkar prófanir fyrir helstu fæðubótarframleiðendur heims. Þar er farið eftir ströngum stöðlum til að koma í veg fyrir að ólögleg og hættuleg efni sé að finna í okkar vörum. Þetta gerum við til þess að hjálpa okkar viðskiptavinum að velja fæðubótarefni sem þeir geta treyst og minnkað þannig líkurnar á að ólögleg efni komist inn fyrir þeirra varir.

Af hverju skiptir máli hvort fæðubótarefni séu batch-tested?

Íþróttafólk, og þá sérstaklega afreks-, er reglulega skipað að fara í lyfjapróf til þess að ganga úr skugga um að þeir séu ekki að neyta neinna ólöglegra efna sem geta bætt frammistöðu (PEDs). Undanfarin ár hefur það færst í aukana að íþróttafólk prófast jákvætt þar sem það ómeðvitað neytir fæðubótarefna sem eru menguð af ólöglegum efnum. Samantektarrannsóknir hafa sýnt fram á að stór hluti fæðubótarefna inniheldur ólögleg, og jafnvel hættuleg efni; hvort sem það sé vilji framleiðandanna eða fyrir tilstilli lélegra framleiðslugæða og -ferla.

Íþróttafólk sem prófast jákvætt á lyfjaprófi á yfir höfði sér allt að fjögurra ára bann frá íþróttinni, hvort sem það neytir ólöglegra efna viljandi eða ómeðvitað. Þess vegna er nauðsynlegt fyrir íþróttafólk, og í raun alla, að vera meðvitað hvað það setur ofan í sig og taki ábyrgð á því. Með því að neyta fæðubótarefna sem eru prófuð fyrir þessum efnum getur íþróttafólk minnkað líkurnar að það láti ofan í sig ólögleg efni til mikilla muna.

Textahöfundur:


Hefur þú áhuga á að fá næringarleiðsögn frá sérfræðingi? Þá getur þú sent línu á [email protected]