Fáðu tilboð, nýjar vörur og fréttir beint í pósthólfið.
Hreysti Túrbó er pre-workout blanda sem getur hjálpað þér að komast í rétta gírinn fyrir æfingu og getur þar af leiðandi hjálpað þér að ná betri árangri í keppni eða á æfingu. Túrbó inniheldur blöndu af efnum sem eru hugsuð til þess að hjálpa þér að auka afkastagetu á meðan æfingu eða keppni stendur. Á meðal efnanna eru koffín, amínósýrur og vítamín.
Koffín er eitt mest rannsakaða fæðubótarefnið á markaðnum. Rannsóknir hafa sýnt fram á að virkni koffíns geti aukið afköst í þolíþróttum, liðsíþróttum og einnig í kraftíþróttum. Virkni koffíns á frammistöðu í íþróttum er margþætt og getur meðal annars haft örvandi áhrif á miðtaugakerfið, beinagrindarvöðva og fitubrennslu.
Helsta virkni koffíns er að minnka áhrif adenosine í líkamanum. Adenosine er sameind sem eykst í líkamanum eftir því sem líður á daginn. Eftir því sem við hugsum, hreyfum okkur og sinnum amstri dagsins eykst magn adenosine. Því hærra sem magn þess eykst í líkamanum, því meiri þreytu upplifum við og sársaukaskynjun okkar eykst. Koffín bindur sig viðtökum adenosine og lokar á þá, svo að adenosine getur ekki bundist þeim. Það veldur því að skynjun líkamans á þreytu og sársauka minnkar.
ATH. að túrbó inniheldur hátt magn koffíns, og er því ekki æskilegt fyrir einstaklinga yngri en 18 ára og barnshafandi konur. Sömuleiðis er ekki æskilegt að neyta túrbó seint á kvöldin eða stuttu fyrir svefn.
Kreatín er efni sem líkaminn myndar úr þremur amínósýrum: arginíni, glýsíni og meþíoníni. Kreatínið er svo umbreytt yfir í form kreatínfosfats (e. phospocreatine eða PCr) sem sér líkamanum fyrir hraðri orku í mikilli ákefð. Kreatín getur einnig aukið fitufrían vöðvamassa og hraðað endurheimt á milli endurtekinna átaka.
Beta-alanín er amínósýra, sem ásamt L-histidine, myndar efnið carnosine, sem spilar lykilhlutverk í að vernda gegn sýrumyndun í vöðvum við mikla ákefð. Beta-alanín getur aukið afkastagetu, þá sérstaklega á æfingum eða í keppni þar sem ákefð er mikil og lengd er frá 30 sekúndum upp að 10 mínútum.
Arginín er amínósýra sem er umbreytt í nituroxíð (e. nitric oxide) sem hefur æðavíkkandi áhrif. Það leiðir til aukins blóðflæði til vinnandi beinagrindavöðvanna sem fá súrefni og næringarefni hraðar fyrir vikið. Þannig getur arginín hjálpað til við að draga úr vöðvaskemmdum, stuðlað að aukinni endurheimt og bætt frammistöðu. Þar að auki hefur arginín andoxunarvirkni og getur dregið úr myndun óstöðugra efna sem valda skemmdum (e. free radicals).
Auk þess inniheldur Túrbó C-vítamín og ýmis B-vítamín sem hjálpa líkamanum að nýta orkuefnin á hraðan og skilvirkan hátt á meðan líkamlegri ákefð stendur.
Til að fá sem mest út úr túrbó er mælt með að drekka 45 – 60 mínútum fyrir keppni/æfingu, svo að koffínið nái hámarksmagni í blóðinu þegar æfing/keppni hefst.
Túrbó er prófað fyrir ólöglegum efnum (e. batch-tested) á heimsklassa rannsóknarstofu sem sér m.a. um slíkar prófanir fyrir helstu fæðubótarframleiðendur heims. Þar er farið eftir ströngum stöðlum til að koma í veg fyrir að ólögleg og hættuleg efni sé að finna í okkar vörum. Þetta gerum við til þess að hjálpa okkar viðskiptavinum að velja fæðubótarefni sem þeir geta treyst og minnkað þannig líkurnar á að ólögleg efni komist inn fyrir þeirra varir.
Íþróttafólk, og þá sérstaklega afreks-, er reglulega skipað að fara í lyfjapróf til þess að ganga úr skugga um að þeir séu ekki að neyta neinna ólöglegra efna sem geta bætt frammistöðu (PEDs). Undanfarin ár hefur það færst í aukana að íþróttafólk prófast jákvætt þar sem það ómeðvitað neytir fæðubótarefna sem eru menguð af ólöglegum efnum. Samantektarrannsóknir hafa sýnt fram á að stór hluti fæðubótarefna inniheldur ólögleg, og jafnvel hættuleg efni; hvort sem það sé vilji framleiðandanna eða fyrir tilstilli lélegra framleiðslugæða og -ferla.
Íþróttafólk sem prófast jákvætt á lyfjaprófi á yfir höfði sér allt að fjögurra ára bann frá íþróttinni, hvort sem það neytir ólöglegra efna viljandi eða ómeðvitað. Þess vegna er nauðsynlegt fyrir íþróttafólk, og í raun alla, að vera meðvitað hvað það setur ofan í sig og taki ábyrgð á því. Með því að neyta fæðubótarefna sem eru prófuð fyrir þessum efnum getur íþróttafólk minnkað líkurnar að það láti ofan í sig ólögleg efni til mikilla muna.
Textahöfundur:
Hefur þú áhuga á að fá næringarleiðsögn frá sérfræðingi? Þá getur þú sent línu á [email protected]
