Fjölhæfur pakki fyrir þig sem vilt koma þér upp góðum grunni fyrir styrktaræfingar heima. Í pakkanum færðu York Fitness stillanlegan lyftingabekk ásamt 50kg lyftingasetti með stórri lyftingastöng, tveimur handlóðastöngum og úrvali lóðaplatna.
York Fitness bekkurinn er einn af okkar vinsælustu heimabekkjum. Hann er einfaldur og sterkbyggður með þéttum púðum og stillanlegu baki, þannig að hægt er að taka fjölbreyttar æfingar í mismunandi stöðum. Hann hentar sérstaklega vel fyrir handlóðaæfingar eins og bekkpressu, hallandi pressur, axlapressur, flugur og róður.
Bekkurinn er með hjólum að aftan svo auðvelt er að færa hann til og hægt er að geyma hann svo gott sem uppréttan þegar hann er ekki í notkun.
50kg lyftingasettið inniheldur 182cm lyftingastöng, tvær handlóðastangir og lóðaplötur. Allar stangirnar eru fyrir 25mm lóðaplötur þannig að auðvelt er að færa þyngdina á milli stanganna eftir því hvaða æfingu þú ert að framkvæma.
Stóra stöngin opnar síðan á enn fleiri æfingar, meðal annars réttstöðulyftur, róður og ýmsar standandi styrktaræfingar. Ef nota á stóru stöngina í bekkpressu þarf lyftingastand eða rekka til viðbótar.
Við seljum einnig stakar 25mm lóðaplötur þannig að auðvelt er að bæta meiri þyngd við settið síðar eftir því sem þú styrkist.
