Fáðu tilboð, nýjar vörur og fréttir beint í pósthólfið.
Frábær byrjendapakki fyrir þig sem vilt koma þér upp fjölhæfri aðstöðu fyrir styrktaræfingar heima. Í pakkanum færðu FitCo stillanlegan lyftingabekk ásamt FitCo 20kg handlóðasetti, sem saman opna á fjölda æfinga fyrir allan líkamann.
FitCo lyftingabekkurinn er sérstaklega hannaður fyrir heimaræktina og býður upp á mikla stillimöguleika. Bakið hefur 8 stillingar, allt frá niðurhallandi stöðu upp í upprétta stöðu, og sætið hefur 4 stillingar. Þannig er meðal annars hægt að framkvæma flata bekkpressu, hallandi pressur, axlapressur og fjölmargar aðrar æfingar í þægilegri stöðu.
Bekkurinn er einnig með fótafestingu sem nýtist í kviðæfingum og hægt er að brjóta hann saman til að spara pláss þegar hann er ekki í notkun.
FitCo handlóðasettið inniheldur tvær handlóðastangir ásamt lóðaplötum sem hægt er að raða á eftir þörfum. Með lóðunum sem fylgja er hægt að setja allt að 10kg í hvora hönd og spinlock festingar halda lóðaplötunum tryggilega á sínum stað.
Við seljum einnig stakar 25mm lóðaplötur sem passa á handlóðastangirnar, þannig að auðvelt er að bæta meiri þyngd við settið síðar eftir því sem þú styrkist.
Saman er þetta einfaldur og fjölhæfur grunnur fyrir heimaræktina sem hentar sérstaklega vel fyrir byrjendur og þá sem vilja taka fyrstu skrefin í styrktaræfingum heima.
FitCo lyftingabekkur
