Etenon Lat pull/low row lóðabunkatæki Rýmingarsala

PC20 frá Etenon er commercial styrktartæki sem sameinar niðurtog og sitjandi róður í einu tæki. Vélin hentar því sérstaklega vel fyrir bakæfingar og gefur þér tvær af mikilvægustu togæfingunum án þess að þurfa tvö aðskilin tæki.

Háa trissuúrtakið er ætlað fyrir niðurtog og með stillanlegum lærapúðum getur þú fest þig vel niður þegar unnið er með þyngri mótstöðu. Lága úrtakið ásamt stálplötu fyrir fæturna gerir síðan kleift að framkvæma sitjandi róður í stöðugri og þægilegri stöðu.

Vélin er með rúmlega 104kg lóðabunka og auðvelt er að breyta mótstöðunni með segulpinna. Cam kerfið er hannað þannig að mótstaðan haldist jafnari í gegnum hreyfinguna, sem gefur mjúka og góða tilfinningu frá upphafi til enda æfingarinnar.

Grindin er smíðuð úr 3mm stáli og vélin vegur 261kg. Lóðabunkinn rennur eftir ryðfríum stýristöngum og lóðaplöturnar eru með Teflon hringjum sem hjálpa til við að halda hreyfingunni mjúkri og minnka óþarfa hávaða.

Kapalkerfið notar 3mm styrktan kapal með 2mm hlíf. Lóðabunkinn er einnig lokaður af að framan og aftan til að minnka hættu á snertingu við hreyfanlega hluta meðan vélin er í notkun.

Sætið og púðarnir eru bólstraðir með memory foam og slitsterku áklæði. Lærapúðarnir eru stillanlegir í hæð svo auðvelt sé að laga tækið að mismunandi notendum og fá stöðuga stöðu í niðurtogi.

PC20 High / Low Pulley er sterkbyggt tæki fyrir æfingastöðvar, líkamsræktarsali og aðra aðstöðu þar sem búnaðurinn þarf að þola mikla daglega notkun.

Helstu mál o.fl.

• Stærð (L x B x H): 181 x 121 x 228cm

• Þyngd tækis: 261kg

• Lóðabunki: 104,4kg

• Hámarksþyngd notanda: 180kg

• Grind: 3mm stál

• Trissuúrtök: Hátt og lágt

• Stýristangir: Ryðfrítt stál

• Kapall: 3mm styrktur kapall með 2mm hlíf

• Púðar: Stillanlegir í hæð

• Sæti og púðar: Memory foam með slitsterku áklæði

• Lóðaval: Segulpinni

• Vörn utan um lóðabunka: Að framan og aftan

• Notkun: Mikil / commercial

• Staðall: EN-957 Class S