Líkamsrækt Grímsnes- & Grafningshrepps á Borg

Ný og glæsileg líkamsræktaraðstaða Grímsnes- og Grafningshrepps á Borg. Aðstaðan er hönnuð með fjölbreytta notkun í huga og er búin nýjustu tækjum og búnaði frá Hreysti sem mætir þörfum fólks á öllum aldri. Í líkamsræktinni má finna hágæða þrek- og styrktartæki ásamt vönduðum lyftingabúnaði. Þar verður góð aðstaða fyrir styrktarþjálfun, þar á meðal ólympískar lyftingar og aðrar sérhæfðar æfingar. Einnig verður í boði sérútbúinn yoga- og þreksalur sem opnar á fjölbreytta möguleika fyrir hópaþjálfun, námskeið og skipulagða heilsueflingu. Að auki er gert ráð fyrir rými fyrir heilsutengda starfsemi, svo sem sjúkraþjálfun, nudd og aðra meðferðartengda þjónustu, sem styður við heildræna nálgun á heilsu og vellíðan.

Við komum snemma inn í ferlinu en fyrsta teikning af rýminu var gerð í janúar 2023 þegar viðbyggingin sjálf var í startholunum. Við tókum svo snúning aftur um mitt ár 2025 þar sem við uppfærðum teikningar og unnum náið með þeim snillingunum hjá Grímsnes og Grafningshrepp. Eftir lokateikningar var pöntun staðfest og framsleiðsla hófst hjá Life Fitness. Búnaðurinn lenti í Desember 2025 og við náðum að setja allt saman og afhenda innan tímaramma.

Til hamingju Grímsnes og Grafningshreppur með nýju líkamsræktina!