Stealth Advanced Isotonic orkugel

Stealth Advanced Isotonic orkugelið frá Secret Training var þeirra fyrsta skref inn í næringargeiran. Gelið er hannað af Tim Lawson sem að var fyrstur til þess að búa til Isotonic orkugel í heiminum. Það að gelin séu Isotonic þýðir að líkaminn nær að melta þau án þess að þurfa aukalega vatn.

Orkugelin eru afar auðveld inntöku vegna þess hve þunn þau eru. Oft þegar þykkari gel eru tekin á fullu gasi þá límast þau saman í munninum og gera manni erfitt fyrir að anda. Gelin eru því tilvalin fyrir þá sem eru að stunda íþróttir þar sem engin tími gefst til þess að stoppa.

Hvert gel inniheldur 22g af orkuríkri kolvetnablöndu og af þessum 22g er aðeins 1g sykur. Náttúruleg bragð og sætuefni minnka enn frekar líkur á magavandamálum ásamt því að gefa gott bragð.

Við mælum með því að taka 1-3 gel á hverjum klukkutíma við erfiðar æfingar eða í keppni. Almennt er mikilvægt að passa vatns, steinefna og saltinntöku þegar æfingarálag er mikið. Gelin geymast best í svölu umhverfi, ekki er æskilegt að geyma þau í ísskáp.